ग्लोबल आइएमई बैंक लिमिटेडले ग्लोबल मनि विक २०२५ को अवसरमा साताव्यापी विद्यार्थी तथा युवा युवतीहरुलाई लक्षित वित्तीय साक्षरता कार्यक्रमहरु सञ्चालन गरेको छ ।
युवा तथा विद्यार्थी लक्षित सातवटै प्रदेशहरुमा कार्यक्रम संचालन गरेको बैंकले जनाएको छ । कार्यक्रमहरुमा झण्डै ६ हजार विद्यार्थी तथा युवा–युवतीहरुको सहभागिता रहेको थियो ।
कार्यक्रममा बचत, कर्जा, रेमिट्यान्स, डिजिटल बैंकिङ्ग, बीमा, लगानी, अतिरिक्त बैंकिङ्ग सेवाहरु, वित्तीय ठगी र वित्तीय अनुशासन सम्बन्धी विषयवस्तुमा जानकारी गराइएको छ ।
त्यस्तै नेपाल राष्ट्र बैंक तथा अन्य संस्थाहरुले आयोजना गरेको कार्यक्रममा समेत ग्लोबल आइएमई बैंकका कर्मचारीहरु वित्तीय सचेतना अभिवृद्धि व्यानर सहित सहभागि भएका थिए ।
बैंकले मुलुक भर ३५५ शाखा कार्यालय, ३८५ एटिएम, २३७ शाखा रहित बैंकिङ्ग सेवा, ६७ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालय समेत गरी ११ सय भन्दा बढि सेवा केन्द्रबाट सेवा प्रदान गर्दै आइरहेको नेपालको पहिलो बैंकका रुपमा आफ्नो पहिचाहन बनाएको छ ।
त्यस्ते बैंकले संयुक्त राज्य अमेरिका, संयुक्त अधिराज्य, क्यानडा, अस्ट्रेलिया, मलेशिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत, जोर्डन लगायतका देशहरूबाट रेमिट्यान्स भित्र्याउँदै आएको छ ।
यो बैंक ग्लोबल फाइनान्सको बेष्ट बैंक अवार्ड २०२४ तथा युरो मनी अर्वाड फर एक्सलेन्स २०२४ अन्तर्गतका दुई विधाबाट नेपालको सर्वश्रेष्ठ बैंकको रुपमा सम्मानित भईसकेको छ ।
न्यूज समय
११ चैत्र, २०८१, सोमबार ००:००