दाङको घोराही उप–महानगरपालिका वडा न.९ खैरा स्थीत सांग्रिला प्लाई उद्योगमा लागेको आगो नियन्त्रणको प्रयास अझै जारी छ ।
उद्योगमा गए राति १ बजे देखि लागेको आगो नियत्रणका लागि ठुलो मात्रमा नेपाल प्रहरी, सशस्त्र प्रहरी, नेपाली सेना तथा स्थानीय बासी परिचालित भएका छन् ।
जिल्ला प्रशासन कार्यालय दाङका अनुसार जिल्लामा रहेको सवै शक्ति परिचालन गरिएको छ भने छिमेकी जिल्ला कपिलवस्तु र वाँकेबाट पनि थप दमकलहरुको ल्याईएको छ ।
स्थानीय बासीका पानी बोक्ने ट्याक्टर तथा ट्यांकर देखि लिएर पानी ओर्साने टिप्पर पनि प्रयोग गरिएको छ । उद्योगमा रहेका केमिकल, प्लाई तथा काठहरुमा आगो लागेकाले नियन्त्रणमा कठिनाई भएको छ ।
उद्योग क्षेत्र वरपर रहेका दर्जनौ घरहरुमा आगोले पुर्याउन सक्ने संभावित क्षेतिलाई मध्य नजर गर्दै स्थानीयका घरहरुबाट सामान हटाईएको छ भने घर वरपर पानी छिटिएको छ ।
झण्डै ८ बिगाहा क्षेत्रफलमा फैलिएको जिल्लाकै ठुलो प्लाई उद्योगमा बिद्युत सर्ट भएर आगो लागेको हुन सक्ने अनुमान गरिएको छ ।
स्थानीय बासीका अनुसार आईतवार विदाको दिन भएकाले पनि आगो लाग्नुको कारण खुलेको छैन ।
न्यूज समय
११ चैत्र, २०८१, सोमबार ००:००