गाजाको दक्षिणी सहर खान युनिसमा इजरायली हवाई आक्रमणमा हमासका शीर्ष राजनीतिक नेता सलाह अल बर्दावील मारिएका छन् । बीबीसीका अनुसार आइतबारको हवाई आक्रमणमा बर्दवील र उनकी श्रीमती दुवैको मृत्यु भएको हो ।
मंगलबारदेखि इजरायली सेनाले गाजामा फेरि ठूला आक्रमण थालेको छ । यी आक्रमणका निम्ति इजरायलले हमासलाई जिम्मेवार ठहर्याएको छ ।
यी आक्रमणपछि जनवरी १९ मा सुरु युद्धविराम सम्झौता समाप्त भएको छ । उक्त सम्झौतासँगै गाजामा लगभग दुई महिना शान्ति कायम थियो । हमासले इजरायलको आरोपको खण्डन गरेको छ ।
इजरायलले युद्धविराम सम्झौताको उल्लंघन गरेको हमासले आरोप पनि लगाएको छ । हमासद्वारा सञ्चालित स्वास्थ्य मन्त्रालयका एक अधिकारीले पछिल्लो २४ घण्टामा गाजापट्टीका विभिन्न भागमा ३२ प्यालेस्टाइनीको मृत्यु भएको बताए ।
न्यूज समय
१० चैत्र, २०८१, आईतबार ००:००