युगाण्डामा जारी चार देशीय सिरिजमा नेपालले आज हङकङविरुद्ध खेल्दै

न्यूज समय

युगाण्डामा जारी चार देश सम्मिलित टी–२० अन्तर्राष्ट्रिय महिला क्रिकेटमा आज समूह चरणका अन्तिम खेलहरू हुँदैछन् । दिउँसो पौने एक बजे युगाण्डाको एन्टेबे मैदानमा हुने खेलमा आज नेपालले हङकङसँग प्रतिपर्धा गर्दैछ । यो शृङ्खलामा नेपालले खेलेका पाँच खेल मध्ये चार खेलमा पराजित भएको छ ।

बिहीबार भएको पाँचौँ खेलमा नेपाल चौथो पटक घरेलु टोली युगाण्डासँग ४० रनले पराजित भएको थियो । यसअघिको खेलमा नेपालले युगाण्डालाई १ विकेटले पराजित गरेको थियो । प्रतियोगिता अन्तरर्गत आजै युगान्डा र नामिबिया खेल्नेछन् । हालसम्म खेलेका पाँचमध्ये चार खेलमा पराजित भएको नेपालका लागि शीर्ष २ मा परेर फाइनल खेल्ने सम्भावना सकिइसकेको छ ।

नेपालको ५ खेलमा २ अंक मात्र छ भने युगाण्डा, नामिबिया र हङकङको समान ६ अंक छ । आजको खेलपछि फाइनल खेल्ने २ टिमको टुंगो लाग्नेछ । नेपालले समूहमा तेस्रो भएको टोलीसँग तेस्रो स्थानका लागि खेल्नेछ । नेपाल समूहमा चौथो हुने निश्चित भइसकेको छ । शीर्ष दुई टोलीले आइतबार फाइनल खेल्नेछन् ।