शिक्षामन्त्री भट्टराई अस्वस्थ्य, शुक्रवारदेखि त्रिवि शिक्षण अस्पतालमा उपचार हुँदै

काठमाडौँ । शिक्षा, विज्ञान तथा प्रविधि मन्त्री विद्या भट्टराई अस्वस्थ्य भई उपचारका लागि त्रिवि शिक्षण अस्पतालमा भर्ना भएकी छन् । ज्वरो आउने, खोकी लाग्ने र घाँटी दुख्ने भएपछि उनी शुक्रबार त्रिवि शिक्षण अस्पताल गएको पारिवारिक स्रोतले जनाएको छ ।

उनलाई चिकित्सकले भर्ना हुनुपर्ने भनेपछि क्याबिनमा राखेर उपचार थालिएको थियो । उनको उपचारमा नाक, कान, घाँटी विषेशज्ञ चिकित्सकहरु संलग्न भएको बताइएको छ ।

आज बिहान स्वास्थ्य तथा जनसंख्यामन्त्री प्रदीप पौडेल अस्पताल पुगेर स्वास्थ्य अवस्थाबारे जानकारी लिएपछि उनी विरामी भएको पुष्टी भएको हो ।