खुदीखोला आसपास केन्द्रविन्दु भएर लमजुङमा भूकम्पको धक्का महसुस

काठमाडौँ । लमजुङको घनपोखरास्थित खुदीखोला आसपास केन्द्रविन्दु भएर लमजुङमा भूकम्पको धक्का महसुस गरिएको छ । सोमबार बिहान ९ बजेर ११ मिनेटमा ३.१ म्याग्निच्युडको सानो धक्का मापन गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।

भूकम्प गएको केन्द्रका भूकम्पविद् भरत कोइरालाले जानकारी दिए । उनले सानो धक्का भएकाले खासै मानिसलाई अनुभव नहुने असर पनि नगर्ने खालको भूकम्प भएको बताए ।

केन्द्रले विशेष गरी चार म्याग्निच्युडदेखि माथिका भूकम्परपरकम्पबारे भाइबर, वेबसाइटमार्फत जानकारी गराउँदै आएको छ । कहिलेकाहीँ त्योभन्दा केही साना भूकम्प–परकम्पबारे पनि जानकारी गराउने गरेको छ ।