बाग्लुङमा भएको पिकअप भ्यान दुर्घटनामा एकै गाउँका ५ को ज्यान गयो, एक घाईते

बागलुङको जैमिनी नगरपालिका वडा न.८ शोकमग्न बनेको छ ।
नगरपालिकाको वडा न. ८ छिस्तीबाट सदरमुकाम बागलुङ बजार जाँदै गरेको ग २ च ९२४७ नम्बरका पिकअप भ्यान वडा न ७ हर्देवामा दुर्घटना हुँदा वडा न.८ का एकै गाउँका पाँचजनाको मृत्यु भएको छ ।

मृत्यु हुनेहरुमा जीपका चालक बागलुङ जैमिनी–८ छिस्ती केवइका ३८ वर्षीय महेन्द्र पुन, सोही ठाउँका २० वर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षीय कुलप्रसाद श्रीष रहेको जिल्ला प्रहरी कार्यालय बाग्लुङले जनाएको छ ।

भ्यानमा सवार ६ जनामध्ये एक जना ४५ वर्षीय गङ्गाबहादुर श्रीष घाइते भएका छन् । गम्भिर घाईते श्रीषको धौलागिरि अस्पतालमा उपचार भईरहेको प्रहरीले जनाएको छ ।

सोमबार विहान भ्यान सडकबाट झण्डै ७ सय मिटर तल खोल्सामा खसेको स्थानीय बासीले बताएका छन् ।