लमजुङमा पहिरोले पुरिएर ४ जनाको ज्यान गयो
लमजुङको क्व्होलासोथार गाउँपालिका–३ बगुममा गए राति खसेको पहिरोमा पुरिएर ४ जनाको ज्यान गएको छ ।
पहिरोले पुरिएर ज्यान जानेमा ६७ वर्षीय रुद्रमान गुरुङ, उहाँकी बुहारी ३६ वर्षीया पञ्चकुमारी गुरुङ, नातिनी ४ वर्षीया नम्रता गुरुङ र ८ वर्षीया इच्छा गुरुङ रहेको प्रहरीले जनाएको छ ।
अविरल वर्षा संगै आएको पहिरोले तीनवटा घर पुरेको थियो । पुरिएका ४ जनाको शव स्थानीय र प्रहरीको सहायताले वाहिर निकालिएको थियो ।
