यस बर्षको मनसुनजन्य विपदबाट झण्डै १८ लाख नागरिक प्रभावित हुन सक्ने अनुमान, पूर्व तैयारी थालियो

राष्ट्रिय विपद् जोखिम न्यूनीकरण तथा व्यवस्थापन प्राधिकरणले यसपालिको मनसुनजन्य विपदबाट हुन सक्ने हानि नोक्सानीको पूर्व आँकलन गरेको छ ।
प्राधिकरणको सोमबार बसेको २३ औं बैठकले यस बर्षको मनसुनबाट झण्डै ४ लाख १२ हजार घर धुरीका १८ लाख नागरिक प्रभावित हुन सक्ने अनुमान गरेको हो ।
प्राधिकरणका अनुसार मनसुनजन्य विपदबाट ८३ हजार घरपरिवार प्रत्यक्ष प्रभावित हुन सक्ने र १८ हजार घर परिवारलाई उद्धार तथा राहत दिनु पर्ने आँकलन भएको प्रवक्ता डिजन भट्टराईले बताए ।
अघिल्लो बर्ष भएको प्रभावित अनुमान अनुसार सवै भन्दा धेरै कोशी प्रदेशको ताप्लेजुङ, संखुवासभा, पाँचथर लागायतमा बढी धन जनको क्षति भएको थियो ।
त्यसका लागि प्राधिकरणले पूर्व सतर्कता तथा राहत र उद्धारकालागि तैयारी रहने गरी व्यवस्था मिलाउने पनि निर्णय गरेको छ ।
हुनसक्ने सम्भावित घटनालाई मध्यजनर गर्दै प्राधिकरणले उद्धार टोलिमा नेपाली सेनाबाट १० हजार ८४७, नेपाल प्रहरीबाट १० हजार ५८५ र सशस्त्र प्रहरी बलबाट ९ हजार ९२४ जना जनशक्ति परिचालन गर्ने कार्ययोजना पनि पारित गरेको छ ।
जल तथा मौषम बिज्ञान विभागका अनुसार यस बर्ष औषत भन्दा बढी पानी पर्ने आँकलन गरिरहेका बेला प्राधिकरणले पूर्व तैयारी गर्नुलाई सकारात्मक रुपले लिइएको छ ।