इजरायली बमबारीमा २५ जना प्यालेस्टिनीको ज्यान गयो
इजरायली बमबारीमा परी कम्तीमा २५ जना प्यालेस्टिनीको मृत्यु भएको छ ।
प्यालेस्टाइनको सरकारी समाचार संस्था वाफाले जनाए अनुसार दक्षिणी गाजा पट्टी शहर रफाहस्थित एक घरमा इजरायली सेनाले बमबारी गर्दा दर्जनौ घाईते भएका छन् ।
आक्रमणमा परेको उक्त घरमा विस्थापितहरु बसेको बताईएको छ ।
इजरायलका प्रधानमन्त्री बेन्जामिन नेतन्याहूले गाजाको सबैभन्दा दक्षिणी शहर रफाहमा सैन्य कारबाहीका लागि योजना बनाउन सेनालाई निर्देशन दिएको अनुमान छ ।
इजरायली सेनाले केही हप्ताअघि रफाहसँग जोडिएको खान युनिसमा गरेको सबैभन्दा ठूलो आक्रमण गरेको थियो ।
उक्त आक्रमण पछी त्यस क्षेत्रबाट विस्थापित हुनेको सङ्ख्या बढेको समेत बताईएको छ ।
रफाह क्रसिङमार्फत विदेशी मुलुक र संयुक्त राष्ट्रसङ्घका निकायबाट खाद्यान्न र औषधि सहायता प्राप्त गर्ने सीमावर्ती सहर खाली कृषि भूमि, विद्यालय र सडक किनारमा टेन्टले भरिएको छ । एएफपी
