मुगुमा बलेरो दुर्घटनामा ४ जनाको मृत्यु, ५ घाईते

मुगु जिल्लाको शोरु गाउँपालिकामा बलेरो दुर्घटना हुँदा हुम्लाका चार जनाको मृत्यु भएको छ । बलेरो जीप सोमबार साँझ दुर्घटना भएको थियो ।

सोरुकोटबाट मुगु जाँदै गरेको ग१ज ७७६२ नम्बरको जिप सिपको पहिरा भन्ने ठाउमा दुर्घटना भएको थियो ।

जिपमा चालकसहित ९ जना यात्रा गरिरहेकामध्ये हुम्लाका मात्रै ५ जना थिए । बाँकी चार जना भने मुगुका हुन् । सवार यात्रुमध्ये चालकसहित ३ जना घाइते भएको जिल्ला प्रहरी कार्यालय मुगुका प्रहरी नायव उपरिक्षक महेश वस्नेतले जानकारी दिनुभयो ।

मृतकको सनाखत भइसकेको प्रहरीले जनाएको छ । जसमध्ये हुम्ला सर्केगाड २ रिपका राम परियार,, सिमकोटका प्रकाश बोहरा, ठेगाना स्पष्ट नभएका राम परियार र पिउस परियार रहेका छन् ।

घाइतेहरुको मुगु सदरमुकाम गमगढीस्थित अस्पतालमा उपचार भइरहेको छ । घाइते सबैको अवस्था चिन्ताजनक भएकाले थप उपचारका लागि जिल्ला बाहिर लैजानुपर्ने जिल्ला प्रहरी कार्यालय मुगुले जनाएको छ ।