उपसभामुख, मन्त्री र संसदीय समितिको सभापति पाउनेभएपछि नागरिक उन्मुक्ति पार्टी सुदुरको सरकारमा
रेशम चौधरी संरक्षक रहेको नागरिक उन्मुक्ति पार्टी उपसभामुखसहित दुई मन्त्री दुई संसदीय समितिको सभापति पाउनेभएपछि सुदूरपश्चिम प्रदेश सरकारमा सहभागी हुने भएको छ । मंगलबार बिहान प्रधानमन्त्री पुष्पकमल दाहालसँग भएको बैठकपछि नाउपा सरकारमा सहभागी हुन तयार भएको हो ।
बैठकमा सहभागी संरक्षक नेता रेशमलाल चौधरीले कृषि मन्त्री, कृषी राज्यमन्त्री, उसभामुख र दुईवटा संसदीय समितिको सभापति पाउने सहमति भएकाले नाउपा सरकारमा सहभागी हुने बताए । उनले बुधबार नाउपाको संसदीय दलको बैठक बस्ने र सरकारमा सहभागी हुनेहरुको नामावली टुंगो लगाउने जानकारी दिए ।
यसअघि सोमबार पनि प्रधानमन्त्री दाहालले सुदूरपश्चिमका मुख्यमन्त्री कमल बहादुर शाह, नाउपा अध्यक्ष रन्जिता श्रेष्ठ, नेता रेशमलाल चौधरी लगायतसँग छलफल गरेका थिए । यसअघि साउन ८ गते नै नाउपा सरकारमा सहभागी हुने तयारी थियो । तर मन्त्रालयमा भागबण्डा नमिलेपछि नाउपा सरकारमा सहभागी भएको थिएन ।
