नेपाली कांग्रेस पदाधिकारी बैठक आज
नेपाली कांग्रेस केन्द्रीय समिति बैठक तयारीस्वरुप आज पदाधिकारीबीच बैठक बस्ने भएको छ । पदाधिकारी बैठकले अब हुने केन्द्रीय समितिका लागि प्रस्तुत गरिने एजेन्डाबारे छलफल हुने स्रोतले जनाएको छ ।
आज हुने बैठकका लागि पार्टी सभापति शेरबहादुर देउवाले वर्तमान तथा पूर्व पदाधिकारीहरुलाई निमन्त्रणा गर्नुभएको उहाँको सचिवालय स्रोतले जानकारी गराएको छ ।
सोमबार दिउँसो २ बजे बस्ने बैठकपछि सभापतिले भोलि वर्तमान पदाधिकारीसँगमात्रै छलफल गर्ने कार्यक्रम छ भने त्यसपछि दुई महामन्त्रीसँग पनि छुट्टै बैठक हुने कार्यक्रम तय गरिएको स्रोतले बतायो ।
आज बस्ने भनेको बैठक असार २७ लाई तय गरिएको थियो । तर प्रधानमन्त्री पुष्पकमल दाहाल प्रचण्डकी श्रीमती सीता दाहालको निधन पछि अन्तिम समयमा आइर स्थगित भएको थियो ।
