एसीसी एमर्जिङ टिम्समा आज नेपाल र भारतको भिडन्त
नेपाली क्रिकेट टिम यतिबेला एसीसी एमर्जिङ टिम्स एसिया कप खेल्न श्रीलंकामा छ । नेपाली टिमले आज भारतको ए टिमसँग भिड्दै छ ।
एसिया कपमा आफ्नो दोस्रो खेलका रुपमा भारतीय टिमसँग खेलन लागेको हो । यसअघि अस्ति बिहीबार पाकिस्तानको ए टिमसँग पहिलो खेल खेलेको थियो । सो खेलमा नेपाल पाकिस्तान ए टिमसँग ४ विकेटले पराजित भएको थियो ।
श्रीलंकाको आर प्रेमदासा स्टेडियममा हुने डे नाइट खेलमा नेपालको प्रस्तुति राम्रो हुने अपेक्षा गरिएको छ । भारतीय प्रशिक्षक मन्टी देसाईले नेपाली टिमले अघिल्ला कमजोरीहरुलाई सुधारेर उत्कृष्ट खेल खेल्ने बताएका छन् ।
