होटेल रेस्टुरेन्टहरुले १० प्रतिशत सेवा शुल्क लिन नपाउने

होटेल तथा रेस्टुरेन्टले ग्राहक संग लिदै आएको १० प्रतिशत सेवा शुल्क लिन नपाउने भएका छन् ।
२०७५ साल जेठ २३ गते प्रेमलाल महर्जनले दायर गरेको रिटको बुधबार सुनुवाई गर्दै सर्वोच्च अदालतले माघ ११ गते देखि लागु हुने गरी १० प्रतिशत सेवा शुल्क लिन नपाउने गरी फैसला गरेको छ ।
होटेल, रेस्टुरेन्टहरुले श्रम ऐन २०७४ को दफा ८७ (३) र श्रम निमावली २०७५ को नियम ८२ को प्रावधानका आधारमा होटल तथा रेस्टुरेन्टहरुले ग्राहकबाट सेवा शुक्ल भन्दै १० प्रतिशत रकम उठाउँदै अएका थिए ।
उक्त नियमलाई संविधानको धारा ४४ र धारा ११५ (१) को भावना र मर्म अनुकुल नदेखिएको भन्दै सर्वोच्चका कायममुकायम प्रधानन्यायाधीश हरिकृष्ण कार्की, न्यायाधीशहरू विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिलकुमार सिन्हाको संवैधानिक इजलासले माघ ११ गते देखि नै लागु हुने गरी यस्तो फैसला गरेका हुन् ।