यस बर्षको दशैंका लागि नयाँ नोट भदौं २९ गते साट्न पाईने

नेपाल राष्ट्र बैंंकले यस बर्षको दशैंलाई लक्षित गरी सर्वसाधारणकालागि यहि भदौ २९ देखि नयाँ नोट साट्न सक्ने व्यवस्था मिलाएको छ ।
राष्ट्र बैंकका अनुसार सर्वसाधारणले काठमाडौं उपत्यका भित्रका बैंक तथा वित्तीय संस्थाहरुबाट यहि भदौं २९ गते देखि नयाँ नोट साट्न पाउनेछन् । भने उपत्यका बाहिरका बैंक तथा वित्तीय संस्थाहरुबाट असोज २ गते देखि यो सेवा प्रदान गरिने नेपाल राष्ट्र बैंक मुद्रा व्यवस्थापन विभागका कार्यकारी निर्देशक रेवतीप्रसाद नेपालले बताए ।
यसरी साट्ने नयाँ नोट तोकिएको सिमा अनुसार ५ देखि १०० सम्मका प्रति व्यक्ति १८ हजार ५ सयका दरले साट्न पाउने व्यवस्था मिलाईएको पनि राष्ट्र बैंकले जनाएको छ ।
गत बर्ष पनि राष्ट्र बैंकले प्रति व्यक्ति सोही अनुपातमै नयाँ नोट साट्ने व्यवस्था मिलाएको थियो ।
यस बर्ष राष्ट्र बैंकबाट बैंकहरुले शाखा हेरर ५ देखि १० करोडसम्म नयाँ नोट पाउनेछन् ।
कोरोना महामारीका बीच पनि गत बर्ष राष्ट्र बैंकले ८ अर्बको नयाँ नोट सटही भएको जनाएको छ ।