प्रदर्शनकारीमाथि दबाब बढाउ बर्माको सडकभर सेनाका बख्तरबन्द गाडि
‘कू’ गरेको बर्मेली सेनाले विपक्षी प्रदर्शनकारीलाई दबाउन सडकभर बख्तरबन्द गाडी तैनाथ गरेको छ। देशभर इन्टरनेट सेवा बन्द गरिएको छ भने जताततै सेना परिचालन गरिएको अन्तरराष्ट्रिय मिडियाहरूले उल्लेख गरेका छन्।
बर्माको सेनाले फेब्रुअरी १ का दिन सैनिक ‘कू’ गरेको थियो। लगत्तै, सैनिक शासनको विरोध गर्दै देशभर प्रदर्शन हुन थालेको थियो।
सडकमा भारी संख्यामा सैनिक र बख्तरबन्द गाडी परिचालन गर्नु तथा देशैभर इन्टरनेट काट्नुका पछाडि त्यहाँ भइरहेको विरोध प्रदर्शनलाई सेनाले बर्बरतापूर्वक दबाउन खोजेको प्रारम्भिक संकेत मिलेको छ।
देशको उत्तरी भागस्थित काचिनमा सैनिक तख्तापलटको विरोधमा ९ दिनदेखि लगातार प्रदर्शन भइरहेको छ। त्यहाँ सेनाले प्रदर्शनकारीमाथि गोली प्रहार गरेको खबरहरू आएको छ।
काचिनबाट पाँच जना पत्रकारलाई पनि सेनाले गिरफ्तार गरेको छ
