news samaya Logo
 |  20 June 2021,Sunday
Ad

कांग्रेसले भोली ७७ वटै जिल्ला प्रर्दशन गर्दै, सभापति रुपन्देही, वरिष्ठ नेता धादिङ जाँदै

नेपाली कांग्रेसले प्रधानमन्त्री केपी ओलीले गरेको संसद विघटनका विरुद्धमा भोली अर्थात सोमवार ७७ वटै जिल्लामा विरोध प्रदर्शन गर्ने भएको छ । सो विरोध प्रदर्शनमा सहभागि हुनका लागि सभापति शेरबहादुर देउवा, वरिष्ठ नेता रामचन्द्र पौडेल, महामन्त्री शशांक कोइराला लगायतका नेताहरु विभिन्न जिल्लामा जाने भएका छन् ।

जसअनुसार सोमवारको प्रदर्शनमा सहभागि हुनका लागि सभापति देउवा रुपन्देही जाने कार्यक्रम तय भएको छ भने वरिष्ठ नेता रामचन्द्र पौडेल धादिङ जाने तय भएको छ । त्यसैगरि महामन्त्री डा शशांक कोइरालाले दाङको प्रदर्शनपछिको विरोधसभालाई सम्बोधन गर्ने कार्यक्रम तय भएको छ । पूर्व महामन्त्री प्रकाशमान सिंह कास्की जिल्ला कार्यसमितिले पोखरामा आयोजना गरेको कार्यक्रममा सहभागि हुने कार्यक्रम तय भएको छ ।

त्यसैगरि पूर्वसहमहामन्त्री अर्जुननरसिंह केसीले काठमाडौंको कार्यक्रम, पूर्व सहमहामन्त्री डा रामशरण महतले काभ्रे, प्रवक्ता विश्वप्रकाश शर्माले ललितपुर जिल्ला कार्यसमितिले लगनखेलमा आयोजना गरेको कार्यक्रममलाई सम्बोधन गर्नेछन् । नेता डा मिनेन्द्र रिजालले प्यूठान, गगन थापाले चितवन र प्रदीप पौडेलले दैलेखमा हुने विरोधसभा पछिको कार्यक्रमलाई सम्बोधन गर्ने कार्यक्रम रहेको छ ।

सेयर गर्नुहोस ।

← पहिलो समाचार || अर्को समाचार →

आफ्नो प्रतिक्रिया दिनुहोस

तपाइको ईमेल प्रकासित गरिदैन।ईमेल अनिवार्य छ।


*
*

shares