१ आश्विन २०७८, शुक्रबार  |  17 September 2021,Friday
Ad

उखु किसानको आन्दोलनप्रति कांग्रेस नेता पौडेलको ऐक्यबद्धता

प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेलले आन्दोलनरत उखु किसानको आन्दोलनप्रति ऐक्यबद्धता जनाएका छन् ।

पौडेल आन्दोलनमा ऐक्यबद्धता जनाउन शुक्रबार माइतीघर पुगेका थिए। उनले कांग्रेस पार्टी किसान र मजदुरको पार्टी भएको बताए।

‘कांग्रेस किसानको पार्टी, मजदुरको साथी हो,’ उनले भने, ‘हामी हरेक समस्याको समाधानका लागि तपाईंहरूसँग छौँ, मेरो पूर्ण ऐक्यबद्धता छ।’

कांग्रेस किसानका पक्षमा रहेको बताउँदै उनले ठगी गर्नेलाई कारबाही गनुपर्नेमा जोड दिए। पौडेलले भने, ‘सरकारले किसानलाई ठगी गर्ने व्यापारीलाई शीघ्र कारबाहीको दायरामा ल्याउनुपर्छ ।’

उखुको मूल्य भुक्तानीको माग गर्दै किसानहरू पाँच दिनदेखि माइतीघरमा आन्दोलन गरिहेका छन्। यसअघि कांग्रेस प्रवक्ता विश्वप्रकाश शर्माले पनि किसानको आन्दोलनप्रति ऐक्यवद्धता जनाएका थिए।

← पहिलो समाचार || अर्को समाचार →

आफ्नो प्रतिक्रिया दिनुहोस

तपाइको ईमेल प्रकासित गरिदैन।ईमेल अनिवार्य छ।


*
*